စီးပြားေရး

Unicode

အသေးစားလုပ်ငန်းဘဲ လုပ်လုပ်

စီးပွားရေးလုပ်ငန်းဘဲလုပ်လုပ်

ပဲရောင်းတာဘဲလုပ်လုပ်

ကျောက်ရောင်းဝယ်ဘဲလုပ်လုပ်

အိမ်ဆိုင်ဖွင့်တာဘဲလုပ်လုပ်

ဘယ်စီးပွားရေးအလုပ်ဘဲ

ဖြစ်ပါစေပထမတော့

ကိုယ့်အရင်းအနှီးလေးနဲ့စတင် လုပ်ကိုင်ရပါတယ်။

ကိုယ်လုပ်တဲ့လုပ်ငန်းကို

ကျွမ်းကျင်မူနဲ့တတ်ကျွမ်းမူ

အပေါ်အောင်မြင်ဖို့လမ်းစ

အကျိုးအမြတ်အများကြီးမြင်လို့

ကိုယ့်အမြတ်ကိုသူများနဲနဲခွဲဝေ

ပေးတဲ့သဘောမျိုး

သူများငွေကိုအတိုးပေး

ချေးယူလုပ်ကိုင်ကြတယ်။

ကိုယ်လုပ်နေတဲ့အလုပ်က

ကိုယ်ထည့်ထားတဲ့အရင်းအနှီး

အတွက်တောင်အမြတ်မရှိရင်

ချေးငွေသွားယူပြီး ဘာထပ်လုပ်စရာလိုမှာလဲ။

ငွေထုတ်ပေးတဲ့သူက

တကယ်တော့အသေစားစားတာဘဲ၊

အတိုးတလ နှစ်ကျပ်ရမယ်

ဆိုရင်သူကပုံသေဝင်ငွေ ရနေတော့တယ်။

တနှစ် -၂၄ လေးနှစ်ပြည့်ရင်

အရင်းကနှစ်ဆဖြစ်သွားပြီ၊

ငွေချေးပြီးအလုပ်လုပ်တဲ့သူ

မြတ်မမြတ်တော့မသိဘူး၊

အတိုးချတဲ့သူကမြတ်သွားပြီ။

အစိုးရကတောင်သူတွေကို

နှစ်စဉ်အမတော်ကြေး

ချေးငွေနှစ်စဉ်ထုတ်ပေးတယ်၊

တောင်သူတော်တော်များများ

ပြန်မဆပ်နိူင်ဘူး၊

တကယ်တော့အစိုးရက

တောင်သူတွေအဆင်ပြေအောင်

လိုအပ်တဲ့မျိုးနဲ့ဓါတ်မြေသြဇာတွေ၊

လယ်နဲ့ပတ်သက်တဲ့ စက်ကိရိယာတွေဝယ်ဖို့ထုတ်ပေးတာ၊

အခုနောက်ပိုင်းခေတ်စား

လာတာကပုဂ္ဂလိကဘဏ်တွေကပေးတဲ့ချေးငွေကို

အသဲအသန်လိုချင်လာကြတယ်၊

လုပ်ငန်းကြီးကြီးလည်ပတ်တဲ့သူတွေကချေးငွေကိုမယူမဖြစ်ယူကြရတယ်၊

အကြောင်းတခုခုဖြစ်ရင် ချေးငွေယူထားကြောင်း

အထောက်အထားပြလို့ ရတာကတကြောင်း၊

ချေးငွေတွေအများကြီးရယူပြီး မြေဝယ်ငွေဝယ်ရွှေဝယ်

ပေါ်ပင်အလုပ်တွေဝင်လုပ်ကြတယ်၊

ငွေဆိုတာကလဲအတောင်ပျံ တခုလိုဘဲ၊

ကျားလိုသတ္တဝါလိုမျိုးမှာ အတောင်တပ်မိရင် ဘာဖြစ်သွားမှာလဲ၊

တချို့လုပ်ငန်းရှင်တွေက ပေးရမဲ့အတိုးကိုမကြောက်ဘူး၊

ဘယ်လောက်ချေးပေးမယ်လဲ၊ လာသမျှယူပေးတယ်၊

သစ္စာတရားဆိုတဲ့ဂတိတခုဟာ ကိုယ့်မှာရှိနေတဲ့အချိန်

ကိုယ်ကသူများကိုပြန်ပေးနိူင်တဲ့ အချိန်မှာအရမ်းတည်ပါတယ်၊

ကိုယ်ကသူများဆီကယူပြီး ပြန်မပေးနိူင်တော့တဲ့အချိန်ကျ

သစ္စာတရားဟာခန္ဓာကိုယ်ထဲမှာ မရှိတော့ဘူး၊

မုသားတွေက ငွေချေးယူထားတဲ့လူရဲ့

ခန္ဓာကိုယ်ထဲမှာပြည့်ပြည့်လာတယ်၊

စီးပွားရေးလောကမှာဘာလို့ အရမ်းငွေလိုနေကြတာလဲ၊
ဘာတွေလုပ်လို့မနိူင်မနင်း ဖြစ်နေရတာလဲ၊

ကိုယ်ခြေထောက်ပေါ်တောင် ကိုယ်မရပ်နိူင်တော့ဘူးဆိုရင်

ဒီလုပ်ငန်းဒီကုမ္ပဏီကြီးကကော ရပ်တည်လို့ရနိူင်ပါ့မှလား၊

အလုပ်တွေကိုမတရားတိုးချဲ့ မြေကွက်တွေကိုဝယ်ထား၊

ကွန်ဒိုတွေဆောက် ကျောက်တွေဝယ် ပဲတွေဝယ်ကစား

စီးပွားရေးကမကောင်းတော့ လုပ်ထားတဲ့လုပ်ငန်းတိုင်း အရံှုးပေါ်

ယူထားတဲ့အတိုးတွေကတက် အသုံးစရိတ်တွေကမလျော့

ဟန်ကိုယ့်ဖို့လုပ်ယင်းနဲ့ အားလုံးဒုက္ခရောက်နေကြတယ်၊

အတိုးနူန်းမြင့်လို့အော်နေကြတာ၊ မှန်ပါတယ်၊

အတိုးနူန်းကအရင်ထဲကဒီအတိုင်းပါဘဲ၊

ခုမှလာအော်တာကလဲ မှားမနေဘူးလား၊

ပုဂ္ဂလိကဘဏ်တွေကလဲ ထိုနည်း၎င်းဘဲ၊

ချေးငွေထုတ်ပေးဖို့ရာပြတ် တွေမတရားမြင့်အောင်

ဈေးပေးပြီးငွေထုတ်ပေးခဲ့တယ်၊ အပေါင်ထားပြီးငွေချေးခဲ့တဲ့သူ

တွေကအခုချိန်မှာချေးငွေလဲ မဆပ်နိူင်တော့ကိုယ့်အိမ်

ကိုယ့်တိုက်ကိုယ့်မြေကွက်ကို အသိမ်းခံဖို့ပြင်နေကြတယ်၊

အတိုးလဲမပေးနိူင်တာကြာပြီ၊

အမှန်တကယ်တော့ စီးပွားရေးမကောင်းတော့ အားလုံးပတ်လည်ဖြစ်ကုန်တယ်၊

တကယ်တော့လောဘသားတွေ ပါဘဲ၊ လွန်ခဲ့သောသုံးနှစ်ကမြေပိုင်ထားတဲ့ သူတွေကအရမ်းချမ်းသာကြတယ်၊

မုဒိတာပွားပါတယ်၊ ဆောက်လုပ်ရေးလုပ်ငန်းရှင်တွေလဲ အားလုံးအလုပ်ဖြစ်ကြပါတယ်၊

ပုဂ္ဂလိကဘဏ်ကလဲသူတို့ကို ငွေချေးပေးထားတော့ အားလုံးအဆင်ပြေကြတာပေါ့၊

အခုတော့အားလုံးအဆင်မပြေ တော့အားလုံးရူပ်ထွေးကုန်ရော၊ တိုင်းပြည်မှာကငွေချေးတာလဲ ဖက်ရှင်လိုဖြစ်နေတယ်၊ သူများငွေကိုယူပြီးအလကား အတိုးပေးနေကြပြီး အလုပ်ကမဖြစ်ကြဘူး၊

ငွေယူထားတဲ့သူတွေက အစထဲကငွေမရှိကြတာလား အလုပ်ထဲမှာရံှုးသွားတာလား လုပ်ငန်းတွေချဲ့ယင်းငွေတွေ မပေါ်ဘူးဖြစ်ကုန်တာလား၊ ဆိုတာသူတို့ဘဲသိတော့မယ်၊

တကယ်တော့စီးပွားရေး လုပ်ငန်းဟာအားလုံးဒေါက်တိုင် လေးတွေလိုဘဲဆက်နေကြတာ၊

တတိုင်တိုင်ကလဲသွားရင် အားလုံးဆင့်ကာဆင့်ကာ ပြိုလှဲတတ်ပါတယ်၊ အားလုံးသတိပြုကြပါ၊

အလုပ်အကိုင်မကောင်းချိန်မှာ အလုပ်ကိုအတင်းလုပ်ရင်လဲ ငွေတွေကုန်ပြီးပိုနှစ်သွားတာဘဲ ဖြစ်မယ်၊

အလုပ်မကောင်းချိန်မှာ ငွေရလွယ်တဲ့လမ်းတွေ ပြောပြီးလိမ်မဲ့သူတွေက အသေကိုစားဖို့ဝဲနေတဲ့ လင်းတဌက်တွေလိုပိုများ နေတယ်၊

ဘာလုပ်ငန်းကိုမဆို ချေးငွေမပါဘဲကိုယ့်ဖာသာ ကိုယ်အရင်ရပ်တည်နိူင်အောင် ကြိုးစားကြပါ၊

ချေးငွေနဲ့အလုပ်လုပ်တယ်ဆိုတာ အလုပ်အကိုင်သွက်လက်နေရင် ကောင်းပါတယ်၊

ခုလိုချိန်မှာတော့အထူးဂရုစိုက် သင့်ပါတယ်၊

ကျွန်တော်မောင်ဝင်းစိန်

4/1/2018, 3:22PM

ကြာသာပတေးနေ့